Ninais ng pusong ibigin ka
Hindi ka maiwaksi sa isipang gising na gising ang diwa
Sa aking panaginip ninanais kang makapiling
Sa reyalida nais kitang angkinin
Ang mundo kong puno ng pait at pasakit
Tanging pagmamahal mo lang ang makakapawi
Sa iyong piling nais kong mahimlay
Upang makadama ng ginhawang tunay
Unang halik
Sadyang kay tamis
Habang aking binabalikan sa aking isipan
Puso ko ay lalong nagsusumigaw
Pag ibig na wagas ang nais kong ialay
Sa iniirog na sangay ng aking kaligahayan
Kung aking lilimiin ang aking sarili
Sa kaibuturan ng aking puso ikaw ang itinitibok nito
Kirot ang dulot ng sa iyo ay mawalay
Kahit sandali nais kong sayo ay nakadantay
Tamang panahon lamang ang aking hinihintay
Upang ikaw ay tuluyan kong mapaglingkuran
Ang saktan ka ang huling bagay na aking nanaisin
Lahat ng mayroon ako ay aking gagawin at gagamitin
Lahat ng sakit at pait ay aking titiisin
Huwag ka lang mawalay sakin
Iwaglit sa iyong isipan
Na hindi ako gumagawa ng paraan
Upang ikaw at ako ay magkapiling
Sapagkat sa Diyos yun ang aking pinakahihiling
Subalit sadyang kay pait ng tadhana
Bakit kailangang pgdaanan ang pagdurusa
Hindi ba nila nakikita?
Itinakda tayo para sa isat isa
Hinihiling ko na lang ngayon
Na sana kahit ano pa ang panahon
Maging matatag tayo sa lhat ng pagsubok
Dahil para sayo hindi ako susuko
Bawat sandaling kapiling ka
Ligaya sa puso ko ang dala
Bawat halakhak at ngiti mo
Tumutunay sa aking pagkatao
Walang sandaling ikaw ay nawaglit sa isipan
Walang panahong hindi ikaw ang hinahangad
Subukan mong buksan ang aking puso
At doon mababanaag mo ang pag ibig ko sayo
Dilat ang aking mata ng ikaw ay aking inibig
Pikit matang tinanggap ang masasakit at mapanirang nakaraan
Walang bahid ng pagsisisi
Na pinili ka ng puso kong dating sakim
Liwanag ang hatid mo sa buhay ko
Wari bang magaan ang lahat ng bagay sa mundo
Tahimik ang buhay at walang gulo
Tanging pag ibig lang ang nadarama sa puso
Dama ko ang hirap ng ating pinagdadaanan
Pakiramdam ko pasan ko ang mundo sa aking likuran
Ngunit hindi ito magiging hadlang kaylanman
Upang ikaw ay aking talikuran at layuan
Kaya aking mahal
Sana isipin mo lagi ang aking pagmamahal
Maging sangay sana ito ng iyong lakas
Upang labanan ang sakit, pait at pagdurusa
upang ang tanging maiwan ay ang pag ibig nating wagas
